ສະຫະພັນບານເຕະແຫ່ງຊາດລາວ​ ມອບເງິນຊ່ວຍເຫຼືອ​200​ ກວ່າລ້ານກີບ ໃຫ້ແຂວງອຸດົມໄຊ​ ນໍາໃຊ້ເຂົ້າໃນວຽກງານຕ້ານໄພພິບັດ

    0
    40

    ສະຫະພັນບານເຕະແຫ່ງຊາດລາວ​ ມອບເງິນຊ່ວຍເຫຼືອ​200​ ກວ່າລ້ານກີບ ໃຫ້ແຂວງອຸດົມໄຊ​ ນໍາໃຊ້ເຂົ້າໃນວຽກງານຕ້ານໄພພິບັດສະຫະພັນບານເຕະແຫ່ງຊາດລາວ​ (ສຕລ) ໄດ້ມອບເງິນຈໍານວນ 205.120.000 ກີບ ໃຫ້ແຂວງອຸດົມໄຊ ເພື່ອນໍາໃຊ້ເຂົ້າໃນວຽກງານຕ້ານໄພພິບັດ. ໃນນັ້ນເປັນເງິນທີ່ໄດ້ຈາກການຂາຍປີ້ເຂົ້າຊົມການແຂ່ງຂັນ AFC U-20 ຮອບຄັດເລືອກຈໍານວນ 155.120.000 ກີບ ແລະ​ ເງິນຈາກ ສຕລ ຈໍານວນ 50.000.000 ກີບ.

    ພິທີມອບ-ຮັບ ດັ່ງກ່າວ ໄດ້ຈັດຂຶ້ນທີ່ຫ້ອງວ່າການປົກຄອງແຂວງອຸດົມໄຊ ເມື່ອວັນທີ 15 ຕຸລາ 2022, ກ່າວມອບໂດຍທ່ານ ວີເພັດ ສີຫາຈັກ ປະທານສະຫະພັນບານເຕະແຫ່ງຊາດລາວ ແລະກ່າວຮັບໂດຍທ່ານ ອ່ອນແກ້ວ ອຸ່ນອາລົມ ຄະນະປະຈຳພັກແຂວງ, ຮອງເຈົ້າແຂວງໆອຸດົມໄຊ ໂດຍຊ້ອງໜ້າຄະນະປະຈຳພັກແຂວງ, ສະຫະພັນບານເຕະ

    ແຫ່ງຊາດລາວ, ສະຫະພັນບານເຕະແຂວງອຸດົມໄຊ, ຫຼວງພະບາງ, ໄຊຍະບູລີ ແລະຈໍາປາສັກ ພ້ອມດ້ວຍຜູ້ຕາງໜ້ານັກກິລາທີມຊາດລາວເຂົ້າຮ່ວມເປັນສັກຂີພະຍານ.

    ໃນໂອກາດນີ້, ທ່ານ ອ່ອນແກ້ວ ອຸ່ນອາລົມ ໄດ້ຕາງໜ້າອຳນາດການປົກຄອງແຂວງ ມອບໃບກຽດຕິຄຸນໃຫ້ແກ່ ສຕລ ໂດຍແມ່ນທ່ານ ວີເພັດ ສີຫາຈັກ ປະທານສະຫະພັນບານເຕະແຫ່ງຊາດລາວ ເປັນຜູ້ຕາງໜ້າຮັບ ພ້ອມດ້ວຍມອບທຸງແລກປ່ຽນໃຫ້ແຂວງອຸດົມໄຊ.
    ຂ່າວຈາກ: ສຕລ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.