ບໍລິສັດ BT Sport 2002 ມອບເງິນສະໜັບສະໜຸນນັກກິລາ 27.000.000 ລ້ານກີບໃຫ້ ປກສ

    0
    38

    ໃນວັນທີ 18 ຕຸລາ 2022, ບໍລິສັດ BT Sport 2002 ໄດ້ມອບເງິນໃຫ້ທັບນັກກິລາ ກະຊວງ ປກສ ທີ່ຈະເຂົ້າຮ່ວມແຂ່ງຂັນໃນງານມະຫະກຳກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ, ກ່າວມອບໂດຍ ທ່ານ ຄໍາບິ່ງ ມິດປະສົງ ປະທານບໍລິສັດ BT Sport 2002, ກ່າວຮັບໂດຍ ພົຈວ ຄໍາສາຍ ຈັນທະວົງ ຮອງຫົວໜ້າກົມໃຫຍ່ການເມືອງ ປກສ, ຮອງຫົວໜ້າຄະນະຮັບຜິດຊອບຊີ້ນໍາລວມກິລາ ກະຊວງ ປກສ, ໂດຍມີຄະນະຮັບຜິດຊອບວຽກງານກິລາ ກະຊວງ ປກສ ເຂົ້າຮ່ວມ.

    ” ຂ້າພະເຈົ້າຮູ້ສຶກພາກພູມໃຈ ແລະ ດີໃຈຫຼາຍທີ່ໄດ້ເປັນອີກພາກສ່ວນໜຶ່ງ ປະກອບສ່ວນຊຸກຍູ້ໃຫ້ທັບນັກກິລາ ກະຊວງ ປກສ ທີ່ຈະເຂົ້າຮ່ວມການແຂ່ງຂັນງານມະຫາກຳກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ, ເຊິ່ງເງິນທີ່ນໍາມາມອບອຸປະຖໍາຄັ້ງນີ້ ມີຈໍານວນ 27.000.000 ກີບ ເພື່ອປະກອບ ສ່ວນຈັດຊື້ອຸປະກອນ ແລະ ຊຸດກິລາໃນການຝຶກຊ້ອມ ແລະ ລົງແຂ່ງຂັນໃນບັ້ນການແຂ່ງຂັນກິລາແຫ່ງຊາດ, ທັງເປັນການຊຸກຍູ້ສົ່ງເສີມ ແລະ ໃຫ້ກໍາລັງໃຈນັກກິລາ ແລະ ຄະນະຄູຝຶກໃຫ້ສາມາດຍາດໄດ້ໄຊຊະນະ ແລະ ຍາດໄດ້ຫຼາຍຫຼຽນຄຳມາໃຫ້ ກະຊວງປ້ອງກັນຄວາມສະຫງົບ ” ທ່ານ ຄຳບິ່ງ ມິດປະສົງ ກ່າວ.

    ພົຈວ ຄໍາສາຍ ຈັນທະວົງ ໄດ້ສະແດງຄວາມຂອບໃຈເປັນຢ່າງສູງຕໍ່ ທ່ານ ຄໍາບິ່ງ ມິດປະສົງ ທີ່ເຫັນໄດ້ຄວາມຈຳເປັນ ແລະ ຄວາມສຳຄັນວຽກງານກິລາຂອງ ກະຊວງ ປກສ, ເຊິ່ງເປັນການປະກອບສ່ວນສຳຄັນໃນການຊຸກຍູ້ສົ່ງເສີມນັກກິລາຂອງ ກະຊວງ ປກສ ໃຫ້ມີກຳລັງໃຈເຂົ້າຮ່ວມການແຂ່ງຂັນໃນງານມະຫາກຳກິລາແຫ່ງຊາດຄັ້ງນີ້ ເພື່ອຍາດເອົາຜົນງານທີ່ດີເດັ່ນ ແລະ ນໍາໄຊຊະນະພ້ອມຫຼຽນກັບມາ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.