ເຈົ້າໜ້າທີ່ ປກສ ເມືອງສິງ ມອບລົດຈັກຄືນໃຫ້ເຈົ້າຂອງເດີມ ຈຳນວນ 3 ຄັນ

    0
    35

    ເຈົ້າໜ້າທີ່ໜ່ວຍງານສືບສວນ-ສອບສວນຄະດີອາຍາ ປກສ ເມືອງສິງ ແຂວງຫຼວງນ້ຳທາ ໄດ້ນຳລົດຈັກທີ່ເກັບກູ້ຄືນມາໄດ້ຈາກຄະດີລັກຊັບ ມາມອບຄືນໃຫ້ເຈົ້າຂອງເດີມ ຈຳນວນ 3 ຄັນ ໃນເດືອນຕຸລາ 2022 ຜ່ານມາ, ຕາງໜ້າກ່າວມອບໂດຍ ຮທ ວິໄລ ໝັ້ນສະຫວ່າງ ຮອງໜ່ວຍງານສືບສວນ-ສອບສວນ ແລະ ກ່າວຮັບ ໂດຍ ທ້າວ ຈອງຕຸ ແລະ ທ້າວ ປືແຊະ ເຈົ້າຂອງລົດ, ມີພະນັກງານທີ່ກ່ຽວຂ້ອງເຂົ້າຮ່ວມ.

    ສໍາລັບລົດຈັກທີ່ນຳມາມອບໃນຄັ້ງນີ້, ມີລົດຈັກເວບໄອ ສີແດງ 1 ຄັນ (ບໍ່ມີປ້າຍທະບຽນ), ລົດຈັກເວບ 110 ສີ ຂາວດໍາ ປ້າຍທະບຽນ ຈສ 2468 ແລະ ລົດຈັກເວບ 110 ສີຟ້າດໍາ (ບໍ່ມີປ້າຍທະບຽນ) ລົດຈຳນວນດັ່ງກ່າວຖືກ ທ້າວ ໂຕສາ ອາຍຸ 19 ປີ ຢູ່ບ້ານຫ້ວຍຫອຍ ເມືອງສິງ ລັກແລ້ວນຳໄປຂາຍຢູ່ເມືອງລອງ.

    ໂອກາດດັ່ງກ່າວ, ຮທ ວິໄລ ໝັ້ນສະຫວ່າງ ຍັງໄດ້ຮຽກຮ້ອງໃຫ້ເຈົ້າຂອງລົດ ຈົງປົກປັກຮັກສາຊັບສິນໃຫ້ດີ, ບໍ່ຄວນຈອດລົດຊະຊາຍ, ຕ້ອງໃສ່ກຸນແຈຄໍ, ລ໋ອກລໍ້ລົດທຸກຄັ້ງ ແລະ ຕິດຕັ້ງລະບົບຄວາມປອດໄພ ເພື່ອປ້ອງກັນບໍ່ໃຫ້ຄົນຮ້າຍລັກໄດ້ງ່າຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.