ຈຸດປະສານງານຫ້ວຍເຜີ້ງ ແຂວງໄຊຍະບູລີ ຢຶດໂຕໂຢຕ້າ revo ລັກລອບໜີພາສີກຽມນຳໄປຈຳໜ່າຍ

    0
    41

    ອີງຕາມກະຊວງການເງິນ ລາຍງານວ່າ: ເວລາ 9:30 ໂມງຂອງວັນທີ 27 ຕຸລາ 2022 ນີ້, ເຈົ້າໜ້າທີ່ພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພະແນກ ພສປ) ປະຈຳຈຸດປະສານງານນາເຕີຍ ແຂວງຫລວງນໍ້າທາ, ໄດ້ປະສານສົມທົບກັບຈຸດປະສານງານຫ້ວຍເຜີ້ງ ເມືອງເງິນ ແຂວງໄຊຍະບູລີ, ໄດ້ຮັບແຫລ່ງຂ່າວຈາກ

    ພົນລະເມືອງດີວ່າມີລົດກະບະ 4 ປະຕູຈຳນວນ 1 ຄັນ, ຍີ່ຫໍ້ໂຕໂຍຕ້າ revo ລັກລອບໜີພາສີ ຕາມເສັ້ນທາງເມືອງຊຽງຮ່ອນ ຫາ ເມືອງເງິນ ແຂວງໄຊຍະບູລີ.

    ຈາກນັ້ນເຈົ້າໜ້າທີ່ຈຶ່ງໄດ້ອອກເຄື່ອນໄຫວ, ຕິດຕາມຕາມເສັ້ນທາງດັ່ງກ່າວ, ຮອດເວລາ 13:30 ໂມງ, ໄດ້ພົບເຫັນລົດຄັນເປົ້າໝາຍ ແລະ ໄດ້ຂໍອະນຸຍາດກວດກາ, ຊາບ

    ວ່າເປັນລົດລັກລອບໜີພາສີມາຈາກຕ່າງປະເທດໂດຍມີການລັກລອບເຂົ້າມາພັກໄວ້ເຂດເມືອງຊຽງຮ່ອນ ແລ້ວຈະນຳເອົາລົດໄປຈຳໜ່າຍ.ດັ່ງນັ້ນ, ຈຶ່ງໄດ້ດຳເນີນຂັ້ນຕອນສືບສວນ-ສອບສວນ, ມອບສຳນວນຄະດີ, ຢຶດລົດດັ່ງກ່າວໃຫ້ພາສີ ປະຈຳແຂວງໄຊຍະບູລີ ເປັນຜູ້ດຳເນີນການແກ້ໄຂຄະດີຕາມຂັ້ນຕອນຂອງກົດໝາຍ ແລະ ລະບຽບການ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.