ເມືອງແກ່ນທ້າວ ຍັງ​ພົບນຳ​ໃຊ້ ​ເງິນບາດໄທ ຊື້​-ຂາຍ​ສິນຄ້າ ການ​ຈ່າຍ​ຄ່າ​ຈ້າງ​ແຮງ​ງານ ເປັນສ່ວນຫລາຍ

    0
    41

    ກອງປະຊຸມປຶກສາຫາລືວຽກງານຕິດຕາມ, ກວດກາ ການຄຸ້ມຄອງເງິນຕາຕ່າງປະເທດ ແລະ ສົ່ງເສີມການນໍາໃຊ້ເງິນກີບຢູ່ເມືອງແກ່ນທ້າວ ແຂວງໄຊຍະບູລີໄດ້ຈັດຂຶ້ນໃນວັນທີ 27 ຕຸລາຜ່ານມາ, ທີ່ຫ້ອງວ່າການເມືອງ. ຊຶ່ງມີທ່ານ ສີຄານ ແກ່ນມະນີ ຮອງເຈົ້າເມືອງແກ່ນທ້າວ, ທ່ານນາງ ພຸດດາວັນ ສີຣິສົມບັດ ຮອງຫົວໜ້າທະນາຄານ​ແຫ່ງສປປລາວ ສາຂາພາກ​ເໜືອ​ ແຂວງ​ຫຼວງ​ພະ​ບາງ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

    ທ່ານ ສິງຄໍາ ຈັນທິຮັກ ຫົວໜ້າຫ້ອງວ່າການເມືອງ ໄດ້ຜ່ານຂໍ້ຕົກລົງຂອງທ່ານເຈົ້າເມືອງວ່າດ້ວຍການແຕ່ງຕັ້ງຄະນະຊີ້ນໍາ ແລະ ອະນຸກໍາມະການຕິດຕາມ, ກວດກາ ການຈັດຕັ້ງປະຕິບັດວຽກງານຄຸ້ມຄອງເງິນຕາຕ່າງປະເທດ ແລະ ສົ່ງເສີມການນໍາໃຊ້ເງິນກີບ ແລະ ພ້ອມທັງລາຍງານຕໍ່ກອງປະຊຸມວ່າ: ຕະຫຼອດ​ໄລຍະ​ຜ່ານ​ມາອົງການປົກຄອງເມື

    ກໍຄືຂະແໜງການທີ່ກ່ຽວຂ້ອງໄດ້ເປັນເຈົ້າການ ໃນການລົງຕິດຕາມກວດກາ ການນໍາໃຊ້ເງິນຕາຕ່າງປະເທດ ແລະ ສົ່ງເສີມການນໍາໃຊ້ເງິນກີບຢູ່ພາຍໃນເມືອງເປັນປົກກະຕິ, ຊຸກຍູ້ບັນດາຫ້າງຮ້ານ, ຫົວໜ່ວຍທຸລະກິດຜູ້ປະກອບການດ້ານການຄ້າ ແລະ ບໍລິການຢູ່ພາຍໃນເມືອງ ຕິດລາຄາສິນຄ້າເປັນເງິນກີບ. ແຕ່ຜ່ານການລົງເຄື່ອນໄຫວຕິດຕາມ,

    ກວດກາຕົວຈິງແລ້ວຍັງເຫັນວ່າບັນດາ​ພໍ່ຄ້າ, ​ແມ່​ຄ້າ ຕະຫຼອດ​ເຖິງປະຊາຊົນທຸກ​ຊັ້ນ​ຄົນ ແມ່ນຍັງ​ນຳ​ໃຊ້​ເງິນຕາ​ຕ່າງປະ​ເທດ (​ເງິນ​ບາດ) ​​ເຂົ້າ​ໃນ​ການ​ແລກປ່ຽນຊື້​-ຂາຍ​ສິນຄ້າ, ການ​ຈ່າຍ​ຄ່າ​ຈ້າງ​ແຮງ​ງານ ​​ແລະ ​ການໃຊ້​ຈ່າຍ​ຕ່າງໆປະຈຳ​ວັນເປັນສ່ວນຫຼາຍ ເນື່ອງ​ຈາກ​ວ່າການ​ແລກປ່ຽນ​ຊື້-​ຂາຍ​ສິນຄ້າ​ຕ່າງໆຢູ່​ພາຍ​ໃນ​ເມືອງ​ແມ່ນຕິດ​ພັນ​ກັບ​ການ​ຄ້າ​​ຊາຍ​ແດນ.
    ກອງປະຊຸມຄັ້ງນີ້, ຍັງໄດ້ຮັບຟັງການລາຍງານສະພາບການເຄື່ອນໄຫວໂດຍຫຍໍ້ຂອງດ່ານສາກົນຂົວມິດຕະພາບນໍ້າເຫືອງ ແລະ ເຜີຍແຜ່ກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດ. ຈາກນັ້ນໄດ້ປຶກສາຫາລືແລກປ່ຽນຄວາມຄິດເຫັນ ເພື່ອພ້ອມກັນຈັດຕັ້ງປະຕິບັດວຽກງານດັ່ງກ່າວໃຫ້ມີການປ່ຽນແປງໄປໃນທາງທີ່ດີຂຶ້ນດ້ວຍການປູກຈິດສໍານຶກຈິດໃຈຊາດ, ສ້າງສະຕິເຄົາລົບລະບຽບກົດໝາຍ ແລະ ຄວາມເປັນເຈົ້າການເພີ່ງຕົນເອງສ້າງຄວາມເຂັ້ມແຂງດ້ວຍຕົນເອງເທື່ອລະກ້າວ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.