Musk ໂພສຂໍ້ຄວາມລະບຸວ່າ Twitter ຈະຄິດຄ່າບໍລິສັດ 8 ໂດລາຕໍ່ເດືອນນຳຜູ້ໃຊ້ Twitter

    0
    58

    Musk ໂພສຂໍ້ຄວາມລະບຸວ່າ: Twitter ຈະຄິດຄ່າບໍລິສັດ 8 ໂດລາຕໍ່ເດືອນນຳຜູ້ໃຊ້ Twitter ທີ່ຕ້ອງການແທັກສີຟ້າຫລັງຊື່ຂອງພວກເຂົາ ເຊິ່ງບົ່ງບອກເຖິງບັນຊີທີ່ໄດ້ຮັບການຢືນຢັນແລ້ວ ເປັນສ່ວນໜຶ່ງຂອງການປ່ຽນແປງ ຫລັງຈາກມີການຊື້ເວັບໄຊໂຊຊຽວມີເດຍມູນຄ່າ 44 ພັນລ້ານໂດລາສະຫະລັດ.

    Musk ກ່າວວ່າ: “ສິ່ງຈຳເປັນໃນການເອົາຊະນະສະແປມ” ເຄື່ອງໝາຍແທັກສີຟ້າທີ່ຢູ່ຖັດຈາກຊື່ຜູ້ໃຊ້ ຫລື verified account ໂດຍປົກກະຕິຈະໃຫ້ກັບໂປຣໄຟລ໌ທີ່ມີຕົວເລກຜູ້ຕິດຕາມສູງ. ການເຄື່ອນໄຫວຫລ້າສຸດນີ້ອາດເຮັດໃຫ້ຍາກທີ່ຈະລະບຸແຫລ່ງທີ່ມາທີ່ເຊື່ອຖືໄດ້.

    Musk ຊາຍຜູ້ຮັ່ງມີທີ່ສຸດໃນໂລກກ່າວວ່າ: ຄ່າໃຊ້ຈ່າຍຈະປັບໄປຕາມປະເທດ ໂດຍຢຶດອັດຕາສ່ວນກັບຄວາມເທົ່າທຽມກັນຂອງອຳນາດຊື້. ສຳລັບຄ່າທຳນຽມຂອງເດືອນໃໝ່ ຜູ້ໃຊ້ຈະໄດ້ຮັບລຳດັບຄວາມສຳຄັນກ່ອນໃນການຕອບກັບ, ການກ່າວເຖິງ ແລະ ການຄົ້ນຫາ ລວມທັງຄວາມສາມາດໃນການໂພສວິດີໂອ ແລະ ຄລິບສຽງທີ່ຍາວຂຶ້ນໂດຍທ່ານໄດ້

    ວິຈານວິທີການກວດສອບເຄື່ອງໝາຍສີຟ້າແບບເກົ່າວ່າເປັນ “ລະບົບສັກດີນາ” ວີທີການກວດສອບຜູ້ໃຊ້ສຳລັບແທັກສີຟ້າໃນອະດີດຂອງທະວິດເຕີ ລວມທັງແບບຟອມໃບສະໝັກອອນລາຍສັ້ນໆ ແລະ ສະຫງວນໄວ້ສຳລັບຜູ້ທີ່ຕົກເປັນເປົ້າໝາຍໃນການປອມຕົວເຊັ່ນ: ຄົນດັງ, ນັກການເມືອງ ແລະ ນັກໜັງສືພິມ. ບໍລິສັດໄດ້ນຳເອົາລະບົບມາໃຊ້

    ໃນປີ 2009 ຫລັງຈາກບໍລິສັດຕ້ອງຜະເຊີນການຟ້ອງຮ້ອງໃນຂໍ້ຫາວ່າບໍລິສັດບໍ່ໄດ້ດຳເນີນການຢ່າງພຽງພໍເພື່ອປ້ອງກັນບັນຊີປອມ.

    Musk ກຳລັງຜະເຊີນຄວາມທ້າທາຍຢ່າງໜັກ ເພື່ອປັບປຸງທຸລະກິດຂອງທະວິດເຕີ ເຊິ່ງບໍ່ໄດ້ສ້າງກຳໄລມາຫລາຍປີແລ້ວ, ທ່ານກ່າວວ່າ: ທ່ານຕ້ອງການຫລຸດການອາໄສການໂຄສະນາຂອງທະວິດເຕີລົງ ເຮັດໃຫ້ຫລາຍບໍລິສັດຈະມີຄວາມກັງວົນຫລາຍຂຶ້ນກ່ຽວກັບນະໂຍບາຍການໂຄສະນາພາຍໃຕ້ການນຳຂອງທ່ານ.

    ທັງນີ້, Musk ຖືກເຝົ້າຕິດຕາມເບິ່ງວ່າຈະຍົກເລີກການຫ້າມທະວິດເຕີຂອງອະດີດປະທານາທິບໍດີ ໂດນັລ ທຣຳ ຫລື ບໍ່ ແລະ ອາດນຳໄປສູ່ການເພີ່ມຂຶ້ນຂອງ Hate Speech ທີ່ສ້າງຄວາມແຕກແຍກໃນແພກຟອມ. ຜູ້ຊ່ຽວຊານໄດ້ສັງເກດເຫັນວ່າ: ເນື້ອໃນທີ່ສະແດງຄວາມກຽດຊັງເພີ່ມສູງຂຶ້ນຢ່າງວ່ອງໄວນັບແຕ່ Musk ເຂົ້າຊື້ກິດຈະການທະວິດເຕີ.

    ສະຖາບັນວິໄຈການແພ່ລະບາດຂອງເຄືອຂ່າຍ (Network Conflation Research Institute) ລະບຸວ່າ: ການໃຊ້ n-word ຫລື ຄຳຢຽດເພີ່ມຂຶ້ນເກືອບ 500% ໃນແພກຟອມ ເຊິ່ງລະບຸວ່າ: “ເປັນໄພຄຸກຄາມທາງໄຊເບີ ແລະ ສັງຄົມ”.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.