ເຫັນດີໃຫ້ບໍລິສັດເອກະຊົນເຊົ່າທີ່ດິນລັດ 52 ກວ່າເຮັກຕາ ສ້າງໂຮງງານຜິດລິດປຸງແຕ່ງໂຊດາໄຟ 30ປີ

    0
    62

    ວັນທີ 18 ພະຈິກ 2022 ຜ່ານມານີ້, ກະຊວງການເງິນ, ໄດ້ຕາງໜ້າລັດຖະບານລົງນາມເຊັນສັນຍາເຫັນດີໃຫ້ບໍລິສັດເອກະຊົນເຊົ່າທີ່ດິນຂອງລັດຈໍານວນ 52 ເຮັກຕາກັບ

    474 ຕາແມັດ, ຊຶ່ງຕັ້ງຢູ່ບ້ານດົງໃຕ້, ເມືອງທ່າແຂກ ແຂວງຄໍາມ່ວນ, ເພື່ອດໍາເນີນໂຄງການສ້າງໂຮງງານຜະລິດປຸງແຕ່ງໂຊດາໄຟ ຊຶ່ງພື້ນທີ່ດັ່ງກ່າວແມ່ນອນຢູ່ໃນເຂດ 2, ໂດຍມີກໍານົດອາຍຸສັນຍາເຊົ່າທີ່ດິນຂອງລັດ 30 ປີ, ເລີ່ມແຕ່ປີ 2022 ເຖິງ 2052.

    ສໍາລັບອັດຕາຄ່າເຊົ່າແມ່ນປະຕິບັດຕາມລັດຖະບັນຍັດຂອງປະທານປະເທດວ່າດ້ວຍອັດຕາຄ່າເຊົ່າ ແລະ ຄ່າສໍາປະທານທີ່ດິນຂອງລັດ ສະບັບເລກທີ 02/ປປທ, ລົງວັນທີ 18

    ພະຈິກ 2009 ມາດຕາ 6, ເພື່ອກິດຈະການອຸດສາຫະກໍາຂໍ້ທີ 15 ໃນອັດຕາ 800 ໂດລາສະຫະລັດ/ເຮັກຕາ/ປີ, ຊຶ່ງເລີ່ມເກັບຄ່າເຊົ່ານັບແຕ່ປີ 2022 ເປັນຕົ້ນໄປ ແລະ ທຸກໆ 5 ປີໃດໃຫ້ເພີ່ມຂຶ້ນ 5% ຂອງອັດຕາເຊົ່າທີ່ດິນຂອງລັດ.ນອກນັ້ນ, ບໍລິສັດຍັງເຫັນດີມອບເງິນບ້ວງເງິນຕິດຕາມສັນຍາເຊົ່າ-ສໍາປະທານທີ່ດິນຂອງລັດຈໍານວນ 1.000 ໂດລາສະຫະລັດ/ປີນໍາອີກດ້ວຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.