ເຂົ້າກວດເຮືອນ ຍິງໄວ 57 ປີ ພ້ອມພົບຂອງກາງ ໃນຂໍ້ຫາເ ສ ບ ແລະ ຄ້າຂາຍຢ າ ບ້ າ

    0
    1398

    ວັນທີ 3 ພະຈິກ 2022, ປກສ ເມືອງວຽງໄຊ ໄດ້ຮັບແຫຼ່ງຂ່າວຈາກພົນລະເມືອງດີວ່າ ມີບຸກຄົນບໍ່ດີເຄື່ອນໄຫວເສບ ແລະ ຄ້າຂາຍຢາເສບຕິດ ປະເພດຢາບ້າ ຢູ່ຂອບເຂດບ້ານນາຢາງ ເມືອງວຽງໄຊ ແຂວງຫົວພັນ. ຈາກນັ້ນ, ຈຶ່ງໄດ້ແຕ່ງຕັ້ງເຈົ້າໜ້າທີ່ວຽກງານວິຊາສະເພາະ ລົງກວດກາ, ຕິດຕາມ ພິສູດແຫຼ່ງຂ່າວ ເຫັນວ່າມີມູນຄວາມຈິງແທ້.

    ມາຮອດຕອນເຊົ້າ ເວລາ 10:00 ໂມງ ຂອງວັນທີ 4 ພະຈິກ 2022, ຈຶ່ງໄດ້ນຳກຳລັງລົງໄປສົມທົບກັບ ປກສ ກຸ່ມບ້ານ, ອຳນາດການປົກຄອງບ້ານທີ່ກ່ຽວຂ້ອງ ເຂົ້າກວດຄົ້ນເຄຫາສະຖານເຮືອນຂອງ ນາງ ມໍຊົງ ອາຍຸ 57 ປີ ປະຊາຊົນ ຢູ່ບ້ານນາຢາງ ເມືອງວຽງໄຊ ແຂວງຫົວພັນ; ຜ່ານການກວດຄົ້ນຂອງເຈົ້າໜ້າທີ່, ພົບເຫັນ ຂອງກາງຢາ

    ເສບຕິດ ປະເພດຢາບ້າ 559 ເມັດ ແລະ ເງິນ 1.200.000 ກີບ ທີ່ຊຸກເຊື່ອງໄວ້ນຳຖົງເສື້ອຂອງຜູ້ກ່ຽວ. ຈາກນັ້ນ, ເຈົ້າໜ້າທີ່ ຈຶ່ງໄດ້ຢຶດຂອງກາງຢາບ້າ ພ້ອມທັງນຳຕົວຜູ້ກ່ຽວໄປສືບສວນ-ສອບສວນ.ຜ່ານການສອບສວນຂັ້ນເບື້ອງຕົ້ນ, ຜູ້ກ່ຽວໄດ້ສາລະພາບວ່າ: ຢາເສບຕິດຈຳນວນດັ່ງກ່າວແມ່ນຂອງຜູ້ກ່ຽວແທ້ ໂດຍໄດ້ຊື້ນຳບຸກຄົນບໍ່ຮູ້ຊື່, ຈຸດປະສົງເພື່ອນຳເອົາຢາເສບຕິດຈຳນວນດັ່ງກ່າວນັ້ນມາເສບ ແລະ ຂາຍຍ່ອຍ.

    ປັດຈຸບັນ, ເຈົ້າໜ້າທີ່ ປກສ ເມືອງວຽງໄຊ ກຳລັງຈະນຳສົ່ງຜູ້ຖືກຫາໃຫ້ພະແນກສະກັດກັ້ນຕ້ານຢາເສບຕິດ ຫ້ອງຕຳຫຼວດ ປກສ ແຂວງຫົວພັນ ເພື່ອດຳເນີນການສືບສວນ – ສອບສວນ, ສືບຕໍ່ຫາກຸ່ມແກ້ງຜູ້ຮ່ວມຂະບວນການມາດຳເນີນຄະດີຕາມລະບຽບກົດໝາຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.