ຊຽງຂວາງ ຢືນຢັນ ສະຖານທີ່ພັກເຊົາມີພຽງພໍ ຮອງຮັບຊຽງຂວາງເກມ 2022

    0
    54

    ອະນຸກຳມະການສະຖານທີ່ພັກ ແລະ ອາຫານແຂວງຊຽງຂວາງ ອອກມາຢືນຢັນວ່າ: ສະຖານທີ່ພັກເຊົາ ມີພຽງພໍຮອງຮັບແຂກທັງພາຍໃນ-ຕ່າງປະເທດ ແລະ ນັກກິລາບັນດາ

    ແຂວງ ໂດຍທົ່ວແຂວງ ມີໂຮງແຮມ18 ແຫ່ງ, ຫ້ອງນອນ 619 ຫ້ອງ, 902 ຕຽງນອນ, ໃນນີ້ໂຮງແຮມ VIP 8 ແຫ່ງ, 371 ຫ້ອງ, 510 ຕຽງ, ເຮືອນພັກ 110 ແຫ່ງ, 1.699 ຫ້ອງ, 2.000 ກວ່າຕຽງນອນ.

    ທ່ານ ກົງທະນູ ອຸ່ນສະຫວັນ ເຈົ້າເມືອງໆແປກແຂວງຊຽງຂວາງ, ຫົວໜ້າອະນຸກຳມະການສະຖານທີ່ພັກ ແລະ ອາຫານ ໃຫ້ສຳພາດເມື່ອບໍ່ດົນນີ້ວ່າ: ເພື່ອຮອງຮັບ ແລະ ອຳນວຍຄວາມສະດວກໃຫ້ແກ່ແຂກ ແລະ ຄະນະນັກກິລາບັນດາແຂວງທົ່ວປະເທດ, ແຂວງຊຽງຂວາງ ໄດ້ກຽມສະຖານທີ່ພັກໃຫ້ຄະນະນັກກິລາ 17 ແຫ່ງ, 19 ໂຮງຮຽນ

    ສາມາດຮອງຮັບນັກກິລາໄດ້ 5.200 ກວ່າຄົນ. ຂະນະທີ່ປັດຈຸບັນພວມກວດກາ, ປັບ ປຸງ ແລະ ສ້ອມແປງໄຟຟ້າ, ນໍ້າປະປາ, ຫ້ອງນໍ້າ, ຫ້ອງອາບນໍ້າ ແລະ ອື່ນໆພ້ອມທັງຍັງມີເຄື່ອງບ່ອນນອນ ແລະ ອຸປະກອນຮັບໃຊ້ຄະນະນັກກິລາພຽງພໍ ແລະ ສາມາດໃຊ້ໄດ້.

    ທ່ານ ກົງທະນູ ກ່າວຕື່ມວ່າ: ຜ່ານມາ, ພາກສ່ວນກ່ຽວຂ້ອງໄດ້ປະຊຸມຮ່ວມກັບຜູ້ປະກອບການຮ້ານອາ ຫານ, ໂຮງແຮມ ແລະ ເຮືອນພັກ ເພື່ອບໍ່ໃຫ້ມີຜູ້ສວຍໂອກາດຂຶ້ນລາຄາ ແລະ ອື່ນໆ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.