ປະຫວັດສາດອີກ 1 ຄັ້ງຂອງອີສະປອດລາວ, ພວກເຮົາທີມຊາດລາວ ປະເພດ Dota2 ໄດ້ອັນດັບ 3 ໃນການແຂ່ງຂັນ Esports ຊິງແຊ້ມໂລກ ຄັ້ງທີ 14 ທີ່ ບາຫຼີ ປະເທດອິນໂດເນເຊຍ. ໂດຍການນຳພາຂອງ ທ່ານປະທານສະຫະພັນ ກິລາອີສະປອດແຫ່ງຊາດລາວ. ໃນການແຂ່ງຂັນປະເພດ Dota 2 ມີ 29 ປະເທດເຂົ້າຮ່ວມ ຜ່ານການ
ຕໍ່ສູ້ໃນຮອບແບ່ງກຸ່ມ ເຂົ້າມາເປັນ ອັນດັບ 2 ຂອງກຸ່ມ ແລະ ຜ່ານ ຮອບ Playoff ຢ່າງສວຍງາມດ້ວຍ ສະຖິຕິ ຊະນະລວດ ມາພາດຮອບຮອງຊະນະເລີດ ເຮັດໃຫ້ລົງມາສາຍລຸ່ມ ແລະ ໄດ້ອັນດັບ 3 ມາຄອງ ໄດ້ສຳເລັດ. ຖືເປັນປະຫວັດສາດໜ້າໃໝ່ໃນເວທີໂລກ ໃຫ້ກັບວົງການກິລາ Esports ລາວ.
ເຊິ່ງມີນັກກິລາດັ່ງນີ້:
1. ທ້າວ ສຸລິຍາ ຂຸມເພັດສະວົງ – Jackky 2. ທ້າວ ສຸບັນ ສີສຸພັນທອງ – Beebie 3. ທ້າວ ສົມສັກ ຈັນທະວີສຸກ – Nevermind 4. ທ້າວ ຈິນຕະກອນ ແກ້ວນ້ຳດີ – Akito 5. ທ້າວ ອານຸສອນ ເພັດລາວອນ – MYN
ພວກເຂົາສ້າງຊື່ສຽງໃຫ້ແກ່ປະເທດລາວໄດ້ຢ່າງສວຍງາມ ແລະ ເກີນຄາດໝາຍ ຢ່າງຫລວງຫລາຍ ແລະ ຍາກເກີນບັນຍາຍ. ພວກເຮົາຕ້ອງການ ການສະນັບສະໜູນຈາກທຸກທ່ານ. ຂໍຂອບໃຈທຸກແຮງເຊຍ ແຮງໃຈໃຫ້ທັບນັກກິລາທີມຊາດລາວ
