ພາຍໃນ ປີ 2022 ເຈົ້າໜ້າທີ່ ປກສ ເມືອງໄຊທານີ ແກ້ໄຂຄະດີໄດ້ 301 ເລື່ອງ ຈັບຜູ້ຖືກຫາ 436 ຄົນ

    0
    42

    ປີ 2022 ປກສ ເມືອງໄຊທານີ ແກ້ໄຂຄະດີໄດ້ 301 ເລື່ອງ ຈັບຜູ້ຖືກຫາ 436 ຄົນພັທ ຈັນເພັງ ແກ້ວປະເສີດ ຫົວໜ້າກອງບັນ ຊາການ ປກສ ເມືອງໄຊທານີ ນະຄອນຫຼວງວຽງຈັນໃຫ້ສໍາພາດໃນວັນທີ 8 ທັນວາ 2022 ວ່າ: ໃນໄລຍະ 1 ປີຜ່ານມາ, ເຈົ້າໜ້າທີ່ ປກສ ເມືອງໄຊທານີ ໄດ້ສຸມໃສ່ເຮັດໜ້າທີ່ວຽກງານວິຊາສະເພາະ

    ຍາດໄດ້ຜົນງານພົ້ນເດັ່ນຫຼາຍດ້ານ ເປັນຕົ້ນແມ່ນການແກ້ໄຂຄະດີໄດ້ 301 ເລື່ອງ, ຈາກການຮັບແຈ້ງຄວາມຄະດີທີ່ເກີດຂຶ້ນທັງໝົດ 523 ເລື່ອງ, ຈັບຜູ້ຖືກຫາ 436 ຄົນ, ຍິງ 42 ຄົນ.

    ສ້າງຜົນເສຍຫາຍມີ ລົດຈັກ 394 ຄັນ, ເງິນ 1.261.648.000 ກີບ, ເງິນບາດ 659.950 ບາດ, ເງິນໂດລາ 1.817 ໂດລາ, ເງິນໝັນ 10 ໝັນ, ໂທລະ ສັບ 20 ເຄື່ອງ, ໂນ໋ດບຸກ 7 ເຄື່ອງ. ສ່ວນຂອງ ກາງຄະດີທີ່ເກັບກູ້ ຄືນມາໄດ້ ລວມມີ: ເງິນ 137.286.000 ກີບ, ເງິນບາດ 5.000 ບາດ, ເງິນໂດລາ 76.000 ໂດລາ,

    ເງິນຂັນ 3 ຂັນ,ງົວ 2 ໂຕ, ລົດຈັກ 65 ຄັນ, ຖັງແກັດ 2 ຖັງ. ໄດ້ສະຫຼຸບຄະດີ ສົ່ງໄອຍາການ ປະຊາຊົນເຂດ II ພິຈາລະນາ 203 ເລື່ອງ, ມີຜູ້ຖືກຫາ 275 ຄົນ, ຍິງ 33 ຄົນ ແລະ ສົ່ງໃຫ້ພາກສ່ວນອື່ນສືບຕໍ່ດຳເນີນ 6 ເລື່ອງ, ມີຜູ້ຖືກຫາ 12 ຄົນ, ຍິງ 2 ຄົນ, ຄະດີພວມດຳເນີນ 71 ເລື່ອງ, ຜູ້ຖືກຫາ 81 ຄົນ, ຍິງ 1 ຄົນ.

    ນອກຈາກນີ້,ໄດ້ເກັບກໍາຂຶ້ນບັນຊີ ປະເພດເປົ້າໝາຍ 2.201 ຄົນ, ຍິງ 79 ຄົນ.ໃນນີ້,ແກ້ໄຂໄດ້ 1.275 ຄົນ, ຍິງ 92 ຄົນ, ຍັງເຫຼືອ 926 ຄົນ, ຍິງ 6 ຄົນ, ເກັບກຳຂຶ້ນບັນຊີເປົ້າໝາຍອາຍາ 244 ຄົນ, ຍິງ 8 ຄົນ, ພ້ອມທັງແຍກປະເພດເປົ້າໝາຍ ຄື: ປະເພດ I ມີ: 238 ຄົນ, ຍິງ 8 ຄົນ, ປະເພດ II ມີ: 4 ຄົນ, ປະເພດ

    III ມີ: 2 ຄົນ.ຄຽງຄູ່ກັນນີ້, ໄດ້ສົມທົບກັບອົງການປົກຄອງບ້ານ ສຶກສາອົບຮົມເປົ້າໝາຍພົວພັນສິ່ງເສບຕິດ ທັງໝົດ 856 ຄົນ, ຍິງ 54 ຄົນ, ສົ່ງສູນປິ່ນປົວສົມສະຫງ່າ ມີ 46 ຄົນ, ຍິງ 7 ຄົນ, ເກັບກຳຈຸດມົ້ວສຸມຢາເສບຕິດ ທົ່ວເມືອງ ມີ 162 ຈຸດ, ແກ້ໄຂແລ້ວ 73 ຈຸດ.

    ຕະຫຼອດໄລຍະປີ 2022 ນີ, ສາມາດແກ້ໄຂເປົ້າ ໝາຍພົວພັນຢາເສບຕິດ ທັງໝົດ 242 ເລື່ອງ, ຈັບຜູ້ຖືກຫາ ໄດ້ 351 ຄົນ, ຍິງ 30 ຄົນ. ໃນນີ້, ເປົ້າ ໝາຍຄ້າຂາຍຢາເສບຕິດ 256 ຄົນ, ຍິງ 24 ຄົນ, ເປົ້າໝາຍມີຢາເສບຕິດໄວ້ໃນຄອບຄອງ ກັກຕົວ 95 ຄົນ, ຍິງ 6 ຄົນ, ຢຶດຢາບ້າ 1.802.125 ເມັດ, ຢາໄອສ໌ 6.049,2

    ກຼາມ, ລົດໃຫຍ່ 12 ຄັນ, ລົດຈັກ 15 ຄັນ, ເງິນ 372.000.000 ກີບ, ເງິນບາດ 4.877.000 ບາດ, ເງິນໂດລາ 25.800 ໂດລາ, ໂທລະສັບ 135 ເຄື່ອງ, ຄຳຮູບປະພັນ 28 ລາຍການ, ປືນສັ້ນ 3 ກະບອກ ແລະ ປືນດັດແປງ 3 ກະບອກ,ໃບຕາດິນ 8 ໃບ, ເຮືອນ 2 ຫຼັງ, ປຶ້ມເງິນຝາກທະນາຄານ 11 ຫົວ. ນອກຈາກນີ້, ມີ

    ອຸບັດຕິເຫດເກີດຂຶ້ນ 222 ເລື່ອງ, ຄະດີຄ້າງ 22 ເລື່ອງ ລວມທັງໝົດ 244 ເລື່ອງ, ຄົນໄດ້ຮັບບາດເຈັບ 291 ຄົນ, ເສຍຊີວິດ 61 ຄົນ,ມີພາຫະນະເປເພ ທັງໝົດ 439 ຄັນ ລວມມູນຄ່າເສຍຫາຍ 2.660.000.0000 ກີບ ແລະ ມີອັກຄີໄພເກີດຂຶ້ນ 28 ຄັ້ງ, ປະເມີນຜົນເສຍຫາຍ ເງິນ 822.300.000 ກີບ, ເງິນໂດລາ 162.400 ໂດລາ, ເງິນບາດ 9.092.000 ບາດ.

    ທິດທາງແຜນການໃນຕໍ່ໜ້າຄະນະພັກ-ຄະນະບັນຊາກອງບັນຊາການ ປກສ ເມືອງໄຊທານີ ຈະສຸມໃສ່ເຮັດວຽກງານການເມືອງ-ແນວຄິດ ໃຫ້ນາຍ ແລະ ພົນຕຳຫຼວດ ມີແນວຄິດອຸ່ນອຽນທຸ່ນທ່ຽງ ເຊື່ອ ໝັ້ນຕໍ່ການນຳພາຂອງພັກ, ເພີ່ມທະວີກຳ ແໜ້ນສະພາບ, ເລ່ຫຼ່ຽມກົນອຸບາຍຂອງກຸ່ມຄົນບໍ່ຫວັງດີ,ເພີ່ມທະວີກວດກາ, ຕິດຕາມເກັບກຳບັນ ດາ

    ເປົ້າໝາຍໃຫ້ຮັດກຸມ ພ້ອມທັງສົມທົບກັບຂັ້ນເທິງ ເພື່ອແກ້ໄຂປະກົດການຫຍໍ້ທໍ້ດ້ານຕ່າງໆໃຫ້ໝົດໄປ, ເກັບກຳກວດກາຄຸ້ມຄອງພື້ນທີ່ຈຸດຫຼໍ່ ແຫຼມ ພ້ອມທັງຈັດວາງກຳລັງ ເພື່ອຕິດຕາມກວດກາຮັບປະກັນ ເດັດຂາດບໍ່ໃຫ້ມີບັນຫາຮ້າຍແຮງເກີດຂຶ້ນ, ສືບຕໍ່ຕິດຕາມ, ກວດກາເປົ້າໝາຍ ເພື່ອແກ້ໄຂມ້າງລາຍຄະດີ ຈັດຕັ້ງຄະນະສະເພາະກິດ ນຳ

    ຊອກ-ນຳຈັບ ຕໍ່ກັບເປົ້າໝາຍທີ່ມີຄໍາສັ່ງ, ສືບຕໍ່ສຶກສາສືບອົບຮົມບັນດາເປົ້າໝາຍເສບຢາເສບຕິດ ຕິດຕາມມ້າງລາຍຄະດີ ພ້ອມທັງດຳເນີນຄະດີ ຕໍ່ຜູ້ກະທຳຜິດຢ່າງເດັດຂາດ ວ່ອງໄວຮັບປະກັນ 3 ຄາດໝາຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.