ຄຳປະຕິຍານຮັບຕຳແໜ່ງນາຍົກ ຂອງທ່ານສອນໄຊ ສີພັນດອນ ແລະ ວຽກງານຈຸດສຸມຂອງລັດຖະບານ

    0
    71

    ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ຜູ້ໃໝ່ ໄດ້ມີຄຳເຫັນກ່າວຮັບຕໍາແໜ່ງ ໃນວັນທີ 30 ທັນວາ 2022  ຊຶ່ງມີບາງຕອນວ່າ: ນີ້ແມ່ນການມອບໝາຍຄວາມຮັບຜິດຊອບການເມືອງທີ່ມີກຽດສູງສຸດຂອງຕົນ, ທັງເປັນໜ້າທີ່ອັນໜັກໜ່ວງ ແລະ ທ້າທາຍ ທົດສອບໃຫຍ່ຫຼວງ ໃນຖານະເປັນຫົວໜ້າລັດຖະບານ ຊຸດທີ

    IX ເພື່ອສືບຕໍ່ປະຕິບັດໜ້າທີ່ບໍລິຫານ, ປົກປັກຮັກສາ ແລະ ພັດທະນາປະເທດຊາດ ອັນແສນຮັກ ແລະ ຫວງແຫນຂອງພວກເຮົາ ໃຫ້ສືບຕໍ່ກ້າວຂຶ້ນຢ່າງບໍ່ຢຸດຢັ້ງ ຕາມທິດທີ່ພັກປະຊາຊົນປະຕິວັດລາວໄດ້ກຳນົດໄວ້.  ໃນໂອກາດອັນມີຄວາມໝາຍຄວາມສຳຄັນນີ້ ຢືນຕໍ່ໜ້າຄັນທຸງອັນສະຫງ່າລາສີ ແລະ ສັກກາລາບູຊາ, ຕໍ່ໜ້າການນໍາຂັ້ນສູງພັກ-

    ລັດ ແລະ ອະດີດການນໍາພັກ-ລັດ, ບັນດາທ່ານ ສະມາຊິກສະພາແຫ່ງຊາດ, ບັນດາທ່ານແຂກທີ່ມີກຽດຂ້າພະເຈົ້າ ຂໍໃຫ້ຄຳໝັ້ນສັນຍາ ແລະ ປະຕິຍານວ່າ ຈະເຊີດຊູມານະຈິດປະຕິວັດບຸກ ໃຫ້ສູງກວ່າ ເວລາໃດໝົດ, ຮ່ວມກັບສາມາຊິກລັດຖະບານ ປະຕິບັດໜ້າທີ່ຂອງຕົນໃຫ້ດີທີ່ສຸດ, ພາຍໃຕ້ລັດຖະທໍາມະນູນ ແລະ ກົດໝາຍຂອງ ສປປ ລາວ.

    ພ້ອມທີ່ຈະພ້ອມທີ່ຈະອຸທິດເຫື່ອແຮງສະຕິປັນຍາ ແລະ ຄວາມຮູ້ຄວາມສາມາດ ເຂົ້າໃນການປະຕິບັດໜ້າທີ່ດ້ວຍຄວາມຮັບຜິດຊອບສູງ ແລະ ຈະສັດຊື່ບໍລິສຸດ ເພື່ອຮ່ວມກັບຄະນະນໍາຂອງພັກ-ລັດ ທັງຂັ້ນສູນກາງ ແລະ ທ້ອງຖິ່ນ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX, ສອງວາລະແຫ່ງຊາດ ແລະ ບັນດາມະຕິຕົກລົງຂອງສະພາແຫ່ງຊາດຊຸດທີ IX ໃຫ້ປະສົບຜົນສໍາເລັດເປັນຢ່າງດີ ໂດຍສະເພາະສຸມໃສ່ບັນດາວຽກງານສຳຄັນຕົ້ນຕໍໃນຕໍ່ໜ້າ.

    1. ສືບຕໍ່ຮັກສາສະຖຽນລະພາບທາງດ້ານການເມືອງຄວາມສະຫງົບໃຫ້ໜັກແໜ້ນ ແລະ ຕັ້ງໜ້າແກ້ໄຂບັນດາປາກົດການຫຍໍ້ທໍ້ໃນສັງຄົມໃຫ້ໝົດໄປເທື່ອລະກ້າວ.

    2. ສືບຕໍ່ເພີ່ມທະວີຄຸ້ມຄອງເສດຖະກິດມະຫາພາກໃຫ້ມີຄວາມເຂັ້ມແຂງ ດ້ວຍຫລາຍມາດຕະການ ຫລາຍຮູບແບບ ຫລາຍວິທີການ ທີ່ສອດຄ່ອງກັບສະພາບຕົວຈິງ  ລວມທັງການຈັດຕັ້ງປະຕິບັດ ປະຕິຮູບລັດວິສາຫະກິດ ແລະ ລະບົບການເງິນ ເງິນຕາຂອງລັດ ເພື່ອເຮັດໃຫ້ເສດຖະກິດມີການຂະຫຍາຍຕົວ ຢ່າງມີຄຸນນະພາບ ມີຄວາມເຂັ້ມແຂງຂຶ້ນ ແລະ ຍືນຍົງ.

    3. ສືບຕໍ່ປັບປຸງກົນໄກຄຸ້ມຄອງບໍລິຫານລັດໃຫ້ມີຄວາມສັກສິດ ແລະ ເຂັ້ມງວດ ກະທັດຮັດ ວ່ອງໄວ ໂປ່ງໃສ ເປັນມືອາຊີບ ໂດຍສະເພາະເພີ່ມຄວາມເອົາໃຈໃສ່ໃນການຕິດຕາມກວດກາ ຊຸກຍູ້ ປະເມີນຜົນ ການປະຕິບັດສິດ ໜ້າທີ່ຂອບເຂດຄວາມຮັບຜິດຊອບຂອງແຕ່ລະພາກສ່ວນຕາມກົດໝາຍ ແລະ ລະບຽບການທີ່ວາງໄວ້

    4.  ສືບຕໍ່ເອົາໃຈໃສ່ສ້າງປະຖົມປັດໄຈ ເພື່ອບັນລຸເປົ້າໝາຍການພັດທະນາແບບຍືນຍົງ, ແກ້ໄຂຄວາມທຸກຍາກຂອງປະຊາຊົນ ຫລຸດຜ່ອນຄວາມແຕກໂຕນລະຫວ່າງຕົວເມືອງ ແລະ ຊົນນະບົດ ເປັນກ້າວໆ ເພື່ອນຳພາປະເທດຊາດໃຫ້ຫລຸດພົ້ນຈາກສະຖານະພາບປະເທດດ້ອຍພັດທະນາ ໃນປີ 2026

    5 ສືບຕໍ່ຢຶດໝັ້ນ ແລະ ປະຕິບັດແນວທາງການຕ່າງປະເທດຂອງພັກໂດຍສະເພາະແມ່ນການທູດ ພ້ອມກັນເຮັດແບບບຸກທະລຸຢ່າງຕັ້ງໜ້າ ລວມທັງການຊຸກຍູ້ສົ່ງເສີມການພົວພັນຮ່ວມມືກັບບັນດາປະເທດເພື່ອນມິດຍຸດທະສາດ ໃຫ້ມີການຮ່ວມມືນັບທັງທາງກວ້າງ ແລະ ທາງເລິກ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.