ລາວ-ເກົາຫຼີ ສໍາເລັດການຜ່າຕັດປ່ຽນຖ່າຍ ຂໍ້ກົກຂາ ແລະ ຫົວເຂົ່າທຽມທີ່ໂຮງຫມໍ ມິດຕະພາບ

    0
    66

    ໜັງສືພິມ ວຽງຈັນທາຍ ລາຍງານໃຫ້ຮູ້ວ່າ ໂຮງຫມໍມິດຕະພາບ ຮ່ວມກັບມູນນິທິຜ່າຕັດປ່ຽນຂໍ່ກະດູກທຽມ ໄດ້ສືບຕໍ່ ດໍາເນີນໂຄງການຜ່າຕັດປ່ຽນຖ່າຍ ຂໍ້ກົກຂາ ແລະ ຫົວເຂົ່າທຽມ ທີ່ໂຮງຫມໍ ມິດຕະພາບ ແລະ ໄດ້ສໍາເລັດການ ຜ່າຕັດປ່ຽນຖ່າຍ ຂໍ້ກົກຂາ ແລະ ຫົວ ເຂົ່າທຽມ ຈໍານວນ 19 ກໍລະນີ ໃນລະຫວ່າງວັນທີ 16 ຫາ19 ມັງກອນນີ້.

    ໂຄງການດັ່ງກ່າວແມ່ນໄດ້ຖືກສະຫນັບສະຫນູນດ້ານງົບປະມານຊ່ວຍເຫຼືອ 1 KOFIH (Korea Foundation for Internal HealthCare) ເພື່ອໃຫ້ທີມແພດ ມະຫາວິທະຍາໄລ ແພດສາດ ນະຄອນຫຼວງ ໂຊ, ເກົາຫຼີ ໃຕ້ ມາເຮັດການຜ່າຕັດປ່ຽນຖ່າຍ ຂໍ້ກົກຂາ ແລະ ຫົວເຂົ່າທຽມ ທີ່ໂຮງຫມໍ ມິດຕະພາບ. ໂດຍແຕ່ລະຄັ້ງໄດ້ທໍາການຜ່າຕັດ

    ຄົນເຈັບທີ່ທີມແພດລາວໄດ້ຄັດກອງໄວ້ລ່ວງຫນ້າ ແລະ ເຂົ້າຮ່ວມເຮັດໃຫ້ ການຜ່າຕັດໃນແຕ່ລະມື້ໄດ້ຫຼາຍກໍລະນີ ໂດຍສະເພາໃນກຸ່ມຄົນເຈັບຜູ້ສູງ ອາຍຸ ເປັນພະຍາດຂໍ່ເຊື່ອມຂັ້ນຮ້າຍແຮງ, ແລະ ຄົນຫນຸ່ມຈໍານວນຫນຶ່ງທີ່ມີການກະທົບຫົວກະດູກ ຖືກທໍາລາຍ.

    ໂຄງການດັ່ງກ່າວ ແມ່ນແນ່ໃສ່ການປິ່ນປົວຄົນເຈັບຈາກພະຍາດດັ່ງກ່າວ ແລະ ເພື່ອສ້າງເງື່ອນໄຂໃນການຝຶກປະຕິບັດຕົວຈິງໃຫ້ທີມແພດຜ່າຕັດ ລາວ ໃຫ້ສາມາດພັດທະນາຂີດຄວາມສາມາດຂື້ນເປັນບາດກ້າວໃຫມ່ທີ່ ທັນສະໄຫມ ທຽບທັນປະເທດໃກ້ຄຽງ.ໄລະຍະ 4 ຄັ້ງຂອງການຜ່າຕັດຮ່ວມກັບໂຄງການດັ່ງກ່າວ ແມ່ນ ສາມາດ ປ່ຽນຂໍ່ທຽມໄດ້ 84 ກໍລະນີ, ລວມມູນຄ່າ ເກືອບ 3 ແສນ ໂດລາ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.