ປກສ ເມືອງນາຊາຍທອງ ຈັບຕົວຜູ້ຄ້າຂາຍຢາເສບຕິດ 2 ຄົນ ພ້ອມຢາບ້າ 12,000 ເມັດ ມາດຳເນີນຄະດີ

    0
    30

    ພັທ ເຂີງຄໍາ ຈັນທະວີໄຊ ຫົວໜ້າພະແນກຕໍາຫຼວດ ປກສ ເມືອງນາຊາຍທອງ ນະຄອນຫລວງວຽງຈັນ ໃຫ້ຮູ້ວ່າ: ເວລາປະມານ 14:00 ໂມງ ຂອງວັນທີ 15 ທັນວາ 2022 ທີ່ຜ່ານມາ, ກອງບັນຊາການ ປກສ ເມືອງນາຊາຍທອງ ມ້າງກຸ່ມເປົ້າໝາຍຄ້າຂາຍຢາເສບຕິດ ຢູ່ເຂດບ້ານສົງເປືອຍ ເມືອງນາຊາຍທອງ ຈັບຕົວເປົ້າໝາຍຊື່ ທ້າວ ເກມ ອາຍຸ 19 ປີ, ບ້ານຫ້ວຍນໍ້າເຢັນ ເມືອງນາຊາຍທອງ ພ້ອມຢາບ້າ 6.000 ເມັດ.

    ຜ່ານການສອບສວນເບື້ອງຕົ້ນ ທ້າວ ເກມ ຮັບສາລະພາບວ່າ: ຢາບ້າເຈົ້າໜ້າຢຶດຄັ້ງນີ້ ສັ່ງຊື້ນໍາ ນ. ບົວຂາວ ອາຍຸ 21 ປີ, ອາຊີບກຳມະກອນ, ປັດຈຸບັນພັກເຊົາຢູ່ບ້ານ ຕານມີໄຊ ເມືອງໄຊທານີ ນະຄອນຫລວງວຽງຈັນ, ຫຼັງສອບສວນຂະຫຍາຍຜົນມີຂໍ້ມູນຫລັກຖານ ຈິ່ງໄດ້ສືບຄົ້ນຫາຜູ້ຮ່ວມຂະບວນການ ມາຮອດເວລາ 17:00 ໂມງ ຂອງວັນ

    ດຽວກັນຈຶ່ງເຂົ້າຈັບຕົວ ນາງ ບົວຂາວ ພ້ອມຢາບ້າ 6.000 ເມັດ. ຜ່ານການສືບສວນ ນາງ ບົວຂາວ ຍອມຮັບວ່າ: ຕົນເອງໄດ້ເຄື່ອນໄຫວຄ້າຂາຍຢາເສບຕິດ ມາແຕ່ເດືອນກັນຍາ ປີ 2022 ເປັນຕົ້ນມາ, ໂດຍສັ່ງຊື້ຈາກຜູ້ຮ່ວມຂະບວນການບໍ່ຮູ້ຊື່, ບ່ອນຢູ່, ເຄີຍຮ່ວມກັນຄ້າຂາຍຢາບ້າມາແລ້ວຫຼາຍຄັ້ງ ໃນແຕ່ຄັ້ງລະຄັ້ງ ເຄີຍຊື້ນຳເທື່ອລະ 6.000 ເມັດ.

    ປັດຈຸບັນຄະດີດັ່ງກ່າວ ກອງບັນຊາການ ປກສ ເມືອງນາຊາຍທອງ ກໍາລັງເລັ່ງສືບສວນ-ສອບສວນຂະຫຍາຍຜົນຫາກຸ່ມແກ້ງ ແລະ ຜູ້ຮ່ວມຂະບວນການ ເພື່ອນໍາຕົວມາດໍາເນີນຄະດີ ຕາມຂັ້ນຕອນຂອງກົດໝາຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.