ຕມ ມຸກດາຫານ ຮ່ວມກັບເຈົ້າໜ້າທີ່ ສະກັດຈັບໄວລຸ້ນຫຼອນຢາ ຊິ່ງລົດຈັກບິກໄບ້ ພົກພາປືນ ແລະ ເງິນສົດຫຼາຍກວ່າ 1,4 ແສນບາດ ຂັບແຫກດ່ານຂ້າມຂົວມິດຕະພາບລາວ-ໄທ ແຫ່ງທີ 2 ສະຫວັນນະເຂດ-ມຸກດາຫານ ໂດຍບໍ່ຜ່ານການກວດຈາກເຈົ້າໜ້າທີ່.
ໃນວັນທີ 24 ມັງກອນ 2023 ເຈົ້າໜ້າທີ່ຝັ່ງມຸກດາຫານ ປະເທດໄທ ຈັບກຸມ ທ້າວ ສຸທີ ອຳພອນທິບ ອາຍຸ 31 ປີ ສັນຊາດໄທ ເຊິ່ງມີຄວາມຜິດຖານອອກຈາກເຂດປະເທດໂດຍບໍ່ຜ່ານການກວດອະນຸຍາດຂອງເຈົ້າໜ້າທີ່ດ່ານກວດຄົນເຂົ້າເມືອງ ໂດຍຜູ້ຂັບຂີ່ນັ້ນເສບຢາເສບຕິດ ພົກພາອາວຸດປືນໂດຍບໍ່ໄດ້ຮັບອະນຸຍາດ.
ໃນນັ້ນສາມາດຍຶດເອົາປືນ 1 ກະບອກ, ລູກປືນ ຈຳນວນ 1 ນັດ, ລົດຈັກຍີ່ຫໍ້ PCX ສີດຳ 1 ຄັນ, ສາຍແຂນຄຳ 2 ບາດ 1 ເສັ້ນ, ແວນທອງ 1 ວົງ, ພະ 3 ອົງ, ໂມງ 2 ອັນ, ເງິນສົດ 147.000 ບາດ ແລະ ໂທລະສັບ 1 ເຄື່ອງ.
